👈 هۆکارەکانی تووشبوون بە نەخۆشییەکە:
ئیکترۆپیۆن: باوترین هۆکاری ئیکترۆپیۆن شلبوونەوەی شانەکانی پێڵوی چاو و لاوازبوونی ماسولکەکانی پێڵوی چاو (ماسولکەی ئۆربیتال) بە هۆی پیربوون، بەڵام هۆکاری تری وەک حاڵەتە زگماکیەکان، ئیفلیجی دەماری حەوتەمی دەموچاو (ڕووخسار)، وەرەمی پێڵوی چاو، نەخۆشیەکانی پێست (وەک هەوکردنی پێست)، سووتان و پەڵە (کەڵەکەبوونی شانەکانی پەڵە)، و هەروەها تێوەگلانی پێڵوی چاویش ڕوودەدات.
ئەنترۆپیۆن: ئەنترۆپیۆن زیاتر لە کەسانی بەتەمەندا ڕوودەدات و بەهۆی لاوازی ماسولکەکانی پێڵوی چاوەوە دروست دەبێت؛ بەڵام یەکێک لە هۆکارە باوەکانی لە ئێراندا تراکۆمایە. نەخۆشی تراکۆما نەخۆشییەکی باوی ناوچە گەرمەکانە و لە ماوەی ڕابردوودا لە زۆربەی ناوچەکانی ئێران بە تایبەت لە پارێزگای خوزستان باو بووە. ئەم نەخۆشییە تووشکەرە کاریگەری لەسەر ڕووی تۆپی چاو دەبێت و دەبێتە هۆی نایەکسانی و پەڵەی شانەکانی سەر ڕووی چاو، لە ئەنجامدا ئەنترۆپیۆن دروست دەبێت.
پێناسەی نەخۆشی: